Peşəkar Futbol Liqasının (PFL ) prezidenti Ramin Musayev “Qarabağ”ın ölkə çempionu adı qazanması ilə bağlı fikirlərini bölüşüb.
Korner.az PFL-in rəsmi saytına istinadən məlumat verir ki,Ramin Musayev bunları deyib:
“Mən şadam ki, “Qarabağ” çempion oldu. Mən “Neftçi”nin vitse-prezidenti işləyəndə, Qurban Qurbanov bu klubda oynayırdı. Mənim oyunçum idi. Sonra o, “Neftçi”nin baş məşqçisi oldu. Mən bunu da xatırlayıram. Ancaq mən “Qarabağ”ın rəhbərliyinə, prezident Tahir Gözələ müraciət etmək istəyirəm. Xahiş edirəm, Qurbanova transferlərlə bağlı kömək edin. Sizin komandanız Avropada oynayacaq. “Qarabağ” məğlub olmamalıdır. Bu, vacib, həmçinin, siyasi məqamdır. Qurbanov isə bilməlidir ki, hər şey çempionluqla məhdudlaşmır”.