.jpg)
"Biz "Topaz"la 3 illik müqavilə imzaladıq və Premyer Liqanın yayım hüququnu da vermişik yeni sponsorumuza. Kim deyir ki, mən yayım hüququnu AzTv-yə vermişəm bu yanlış fikirdi. Yayım hüququ "Topaz"a məxsusdu".
Korner.az-ın məlumatına görə, bu sözləri PFL-in prezidenti Ramin Musayev Premyer Liqanın yeni sponsoru "Topaz"la müqavilə imzlanarkən deyib.
Qurum rəsmisi daha sonra bunları dedi:
"Topaz"ın rəhbəri Əhmət Geylaniyə Premyer Liqanın yayım hüququnu hədiyyə eləmişəm və o, bizə söz verib ki, hər tur 3 oyun canlı yayımlanacaq".
Əməkdaşımızın Ramin Musayevə verdiyi: "Yayım və sponsorluq hüququnu "Topaz"a vermisiz. Bunların ikisinin, Azərbaycan çempionatının real qiyməti nədir?" – sualını qurum rəsmisi belə cavabıandırdı:
"Hansı müqavilələrdə məbləğ açıqlanıb ki, mən sizə bunu deyim? Biz hələ xarici ölkə deyilik ki, bunu açıqlayım"
"UniBank"la müqavilə bağlanarkən "Şuşa" üçün stadion tikiləcəyi vədini vermişdiz. Nə oldu bəs?" sualına R.Musayev belə cavab verdi:
"Hələ "Şuşa" özü üçün torpaq sahəsi alsın sonra. Onların torpaq sahəsi yoxdursa mən onlar üçün harda stadion tikim?"
Sonda PFL-in başqanı "Fənərbağça"nın sabiq futbolçusu, Bakıda qonaq olan Selcuk Yulaya "Siz oyundan sonra hakimlərimiz müzakirə edirsiz yoxsa, həmin oyunu, futbolçuları?" – sualını ünvanladırdı.
Yula isə bu suala belə cavab verdi: "Biz hər ikisini analiz edib, hər ikisinə tənqdimizi bildiririk. Əgər hakimlərin səhvləri olsa qulaqlarını çəkərik".
"Topaz"ın prezidenti Əhmət Geylani isə 3 illik anlaşmanı yüksək qiymətləndirərək, mətbuatdan danışıb:
"Mətbuat üçün layihələrimiz var. İlin jurnalisti, ilin xəbəri, ilin reportajı və s. kimi layihələrimiz var".
