Ramil Şeydayev yenə ehtiyatda qaldı
02.10.2018 , 10:30
Milli komandamızın üzvü Ramil Şeydayev formasını geyindiyi “Krılya Sovetov”da yenə ehtiyatda qalıb.
22 yaşlı hücumçu komandasının Rusiya Premyer Liqasının 9-cu turunun “Rubin”lə (Kazan) səfər matçını da kənardan izləyib. Futbolçumuzun adı görüşün iştirak ərizəsinə salınsa da, Samara klubunun baş məşqçisi Andrey Tixinov ona oynamaq şansı verməyib.
Qarşılaşma “Rubin”in 2:1 hesablı qələbəsi ilə başa çatıb. 9 turdan sonra 7 xal toplayan “Krılya Sovetov” 15-ci pillədə qərarlaşıb.
Qeyd edək ki, Ramil bundan əvvəlki 4 ölkə çempionat oyununda da ehtiyatda qalıb. Gənc hücumçu bu komandanın heyətində cəmi 1 oyun keçirib.
