Ramil Şeydayevin formasını geydiyi “Trabzonspor” Macarıstanın Qyor şəhərində yeni mövsümün hazırlıqlarını davam etdirir.
Korner.az-ın məlumatına görə, Trabzon təmsilçisi üçüncü yoxlama oyununda MTK ilə qarşılaşıb. “ETO Park Stadium”da oynanılan qarşılaşma “Trabzonspor”un 5:0 hesablı qələbəsi ilə başa çatıb. Qollardan birini Ramil Şeydayev vurub. Bu, həmyerlimizin yeni klubundakı ikinci qoludur.
Xatırladaq ki, MTK Avroliqanın II təsnifat mərhələsində “Qəbələ”yə 2 oyunun nəticəsinə görə 1:4 hesabı ilə uduzub.
