Ramil Şeydayev: “Oyun çox maraqlı olacaq”
26.05.2021 , 19:54
“Hamı bilir ki, Türkiyə güclü rəqibdi. DÇ-nin seçmə mərhələsində əldə etdikləri nəticələr hər şeyi deyir”.
Korner.az xəbər verir ki, bu sözləri Azərbaycan millisinin üzvü Ramil Şeydayev Türkiyə ilə sabah keçiriləcək yoldaşlıq görüşü haqda danışarkən deyib.
25 yaşlı hücumçu AFFA-nın saytına açıqlamasında güclü rəqibə qarşı yaxşı oyun nümayiş etdirəcəklərini bildirib: “Onlar Avropa çempionatına hazırlaşırlar. Məncə, oyun çox maraqlı alınacaq. Yaxşı oyun nümayiş etdirməyə çalışacağıq. Komanda olaraq bu oyuna hazırıq”.