Premyer Liqanın 19-cu turu çərçivəsində "Rəvan" doğma azarkeşləri önündə "Turan"la qarşılaşdı və hər hissədə vurduğu bir qolla qələbə qazandı.
Korner.az-ın məlumatına görə, paytaxt klubunun baş məşqçisi Ramil Əliyev onlar üçün vacib olduğunu bildirib:
“Turnir cədvəlindəki vəziyyətimiz qələbəyə oynamağa məcbur edir. Bugünkü oyunda nəticə üçün oynayırdıq. Qələbə qazandığımız üçün şadam. Bəzi səhvlər var ki, bunları aradan qaldırmağa çalışacağıq. Çempionatda zəif rəqib yoxdur, “Turan” yaxşı oyun göstərdi. Qələbəni azarkeşlərimizə həsr edirik”.
