Futbol

Ramazanovdan etiraf: “Rəqib çox güclüdü”

12.07.2019 , 12:24

UEFA Avropa Liqasının I təsnifat mərhələsinin ilk oyununda evdə Rumıniyanın “Universitatya Krayova” klubuna 2:3 hesabı ilə uduzan “Səbail”in hücumçusu Ağabala Ramazanov açıqlama verib.

Korner.az xəbər verir ki, qarşılaşmada dubl edən 26 yaşlı futbolçu üzgün olduqlarını deyib:

“Vurduğum qollara görə sevincliyəm. Hesab üçün mən də üzgünəm. Evdə üç top buraxmaq bizi məyus edir. Səfərdə belə rəqiblə oynamaq çətin olacaq. Ancaq ikinci oyuna ciddi hazırlaşacağıq. Ancaq bir-birimizi aldatmalı deyilik. Rəqib çox güclüdür. Büdcələrinə görə bizdən 5-6 qat üstündürlər. Çalışacağıq ki, yaxşı mübarizə aparaq və nəticə qazanaq”.

Son yazılar

Yuxarı