Topaz Premyer Liqasının XXII turunda “Qarabağ” doğma meydanda “Neftçi”ni qəbul edib.
Korner.az-ın məlumatına görə, oyun birincilərin 2:0 hesablı qələbəsi ilə başa çatdı.
Oyundan sonra ağdamlıların futbolçusu Rahid Əmirquliyev jurnalistlərin suallarını cavablandırıb:
“Çox çəyinlik çəkdik. Əlimizdən gələni etdik. Qələbə bizə lazım idi. Bildiyiniz kimi digər komandalar da irəliləyir. Bu baxımdan qələbə üçün oynadıq. Deməzdim “qara zolaq”dayıq. Xal fərqində xeyli öndəyik. Əsas odu oyunumuzu tapaq və qələbələri sıralayaq. Ümumi götürdükdə, çempionatın lideri “Qarabağ” deyə bilmərəm, çünki “Zirə” də gəlir. Bizi izləyirlər. Rəqiblər daha da güclüdü. Çempionat gərgin keçir. İnanıram ki, layiqli qələbə qazanacağıq.
Rəqib öz qapısına sıxışanda oynamaq daha çətin olur. Bu komanda həm özü oynamır, həm də bizi oynamaöa qoymur. Əsas odu ki, öz qələbəmizi qazandıq.
