Rafael Benitez: “Mən hələ də onları anlamıram”
26.02.2019 , 20:27
“Nyukasl Yunayted” klubunun baş məşqçisi Rafael Benitez oynatdığı futbolu tənqid edənləri başa düşmədiyini bildirib.
“Benitezin komandası müdafiə futbolu oynayır” deyənlərlə razı olmadığını bildirən 58 yaşlı mütəxəssis “Liverpul” 8-0 “Beşiktaş” görüşünü xatırladıb.
“Mənim məşqçilik etdiyim komandalar həm yaxşı müdafiə olunur, həm də çox yaxşı hücuma çıxır. “Liverpul”da olarkən “Beşiktaş”ı 8-0 hesabı ilə məğlub etmişdik. Bu, hələ də Çempionlar Liqasının ən böyük hesablı qələbəsidir”.
Qeyd edək ki, hazırda Rafa Benitezin rəhbərlik etdiyi “Nyukasl Yunayted” klubu premyerliqada 15-ci pillədə qərarlaşıb.
