Azərbaycan milli komandasının heyətində dəyişiklik edilib.
Korner.az-ın AFFA-nın rəsmi saytına istinadən məlumatına görə, yığmanın kapitanı, “Qarabağ”ın üzvü Rəşad Sadıqov zədəli olduğu üçün millinin mayın 20-dən 31-dək keçiriləcək təlim-məşq toplanışında iştirak etməyəcək.
Baş məşqçinin göstərişi ilə yığmanın təlim-məşq toplanışına əvvəlcədən ehtiyat futbolçu kimi göstərilmiş Əli Gökdəmir (Hannover 96, Almaniya) dəvət olunub.
Qeyd edək ki, bu toplanış çərçivəsində millimiz mayın 23-də Şizuoka şəhərində Yaponiya, mayın 30-da isə Frankfurt şəhərində Andorra yığması ilə yoldaşlıq oyunu keçirəcək.
