“Mövsümün birinci yarısı 3 cəbhədə mübarizə apardıq. Oyun qrafikinin sıxlığı səbəbindən komandada yorğunluq hiss olunurdu”.
Korner.az-ın məlumatına görə, bunu “Neftçi”nın kapitanı Rəşad Sadiqov deyib.
Klubunun rəsmi saytına danışan "ağ-qaralar"ın futbolçusu, artıq yorğunluqlarını arxada qoyduqlarını deyib:
“Qış fasiləsində yaxşı istirahət etdik və artıq məşqlərimizi bərpa etmişik. Yanvarın 11-dən hazırlığımızı Türkiyədə keçəcəyik. Məqsədimiz Premyer Liqanın qalibi olmaqdır. Bizi yalnız qızıl medallar qane edir”.