Rəşad Sadıqov: “Qorxulu yuxu kimi idi”
04.10.2018 , 23:23
Avropa Liqasının qrup mərhələsinin 2-ci turunda“Qarabağ” öz meydanında “Arsenal”ı qəbul edib
Elə ilk dəqiqələrdən qapımızda qol gördüyümüz oyun 0-3 hesabı ilə İngiltərə təmsilçisinin xeyrinə başa çatdı. Oyundan sonra Rəşad Sadıqov jurnalistlərin suallarını cavablandırıb. O, ilk olaraq, oyun haqqında fikir bildirib.
– Bəlkə də, avroliqa oyunlarının heç birində bu qədər qol şansımız olmamışdı. Təəssüflər olsun ki, layiqincə dəyərləndirə bilmədik.
– Bu səhvlər ustalıq səviyyəsi ilə bağlı idi?
– Biz Premyer Liqada belə bu qədər qol şansı yaxalamamışdıq. Tamamilə həyəcanla bağlı səhvlər idi. Qorxulu yuxu kimi oyun idi.
– Kənardan baxmaq necə hiss idi?
– İlk epizodu itirəndən sonra başa düşdüm ki, uğur bizimlə deyil. Ona görə də, çox da tərəddüdlü deyildim.
– Azarkeşlər 2-ci qoldan sonra, stadionu tərk etməyə başladılar. Onlara bir sözün varmı?
– İndiyə qədər bizə çox dəstək oldular. Oyundur, qazana da bilərik, itirə də. Buna görə də bundan sonra da dəstək gözləyirik.
