“Rəşad Sadiqov “Qarabağ”da oynayarkən mənə nümunə olub”

”Deməzdim ki, xüsusi bir həyəcanım vardı. Təbii ki, “İnter”lə oyun olduğuna görə bir qədər fərqlilik vardı. Turnir cədvəli baxımından oyun vacib idi. Oyundan əvvəl Qurban müəllim mənə bildirdi ki, rahat ol, təlim-məşq toplanışında oyunlara neçə çıxırdınsa eyni tərzdə meydana çıx. Dedi ki, mümkün qədər Vüqar və Əfranın sürətindən istifadə et. Onları topla təmin etməyimi istədi. İlk hissədən sonra Qurban müəllim mənə təşəkkür etdi. Oyunuma qiymət verməyim düzgün olmaz”.

Korner.az-ın məlumatına görə, bu sözləri “Qarabağ”ın gənc yarımmüdafiəçisi Toğrul Bilallı klubun saytına açıqlamasında bidirib.

Premyer Liqanın XXII turunda “İnter”ə qarşı forma geyinmək şansı qazanan:

”Meydanın mərkəzində, hücumçuların arxasında oynamaq mənə daha xoşdu. Avropada bu mövqedə oynayanlardan Xavi, İnyesta xoşuma gəlir.

Mən də onun kimi sakitəm və onun kimi qol vurmaqdan daha çox ötürmə verməkdən xoşum gəlir. Azərbaycanda isə Rəşad Sadiqov “Qarabağ”da oynayarkən mənə nümunə olub. Futbolumuzda pleymeyker probleminin olub-olmadığını deyə bilmərəm".