Çempionlar Liqasının üçüncü təsnifat mərhələsi çərçivəsində sabah "Dalğa Arena"da baş tutacaq "Neftçi" – "Hapoel" oyunundan öncə mətbuat konfransı keçirilib. İlk olaraq jurnalistlər qarşısına "Neftçi"nin məşqçisi və futbolçuları çıxıb. Korner.az-ın əməkdaşının komandanın yeni kapitanı seçilən Rəşad Sadiqova ünvanladığı: "Sən "Qarabağ"dakı potensialını burda göstərə bilməmisən. Bunun səbəbi nədi?" – sualına futbolçu belə cavab verib:
"Mənə bu sualı əvvəllərdə veriblər. Bunun səbəbi "Neftçi"də müdafiəyə meyilli oynamağımdı. Anacq "Qarabağ"da bu belə deyildi. Mən "Qarabağ"da hücumameyilli oynayırdım. Burda hücumameyilli futbolçu var deyə mən məcburam müdafiəyə daha yaxın oynayım və bəlkə də, bunun səbəbidir ki oyunum alınmır".
