"Qəbələ"nin yeni transferi Rəşad Abdullayevin Korner.az saytına müsahibəsi.
-Əvvəla başlayaq "Qəbələ"yə keçidindən…
Klubla danışıqlar çoxdan gedirdi. Elə oldu ki, danışıqlar müsbət nəticələndi. Burada olan gözəl atmosverə, abu hava həqiqətəndə hər bir peşekar futbolçunun oynamaq istədiyi klubda olan amillər "Qəbələ"də öz əksini tapır. Mən də getdiyim yerə baxıram gördüm bura mənim oynuya biləcəyim yerdir. Ona görə də, müqavilə şərtlərində razılığa gəldik.
-Qəbələdə səni necə qarşıladılar?
Məni həddən artıq gözəl qarşıladılar. Mərasim keçirildi. Şəxsən klubun prezidenti Tale Heydərov və vitse-prezident Fariz Nəcəfov mənə xoş münasibət göstərdilər. Hətda Fariz məllim mənə futbolka da bağışladı. Uğurlar arzuladılar. Sözün açığı belə qarşılama gözləmirdim. Mənə isə qalan öz oyunumu "Qəbələ"də oynamaq və göstərilən ehtimalları doğrultmaqdır.
-Uzun müddətdir əcnəbi məşqçi ilə çalışmırsan. Fatih Kavlakla işləmək sənə çətinlik yaratmayacaq?
Mən karyeram boyunca çox əcnəbi məşqçilərlə işləmişəm. Mən əgər öz futbolumu oynayıramsa, burda məşqçi ilə heç bir problem olmaz."Qəbələ"yə keçəndə məs Fatih müəllim özü şəxsən mənə zəng vurdu xeyir dua verdi. Və o mənə böyük planlarının olduğunu bildirdi. Açığını desək "Qəbələ"nin mənim kimi futbolçuya ehtiyacı var. Çünki mən həmişə iddialı klublarda çıxış etmişəm. Komandamız da gələn mövsümdən artıq çempionluğa və ən əsası Avroliqaya vəsiqə uğrunda mübarizə aparacaq.
-"Neftçi"dən ayrılmağının səbəbi nə idi? Bəlkə Böyükağa Hacıyevlə hansısa problemlərin var idi?
Mən bunu hər yerdə demişəm. Mənim Böyükağa müəllimlə heç vaxt, heç yerdə problemlərim olmayıb. İndinin özündə də onunla üzbəüz gələndə görüşürük, öpüşürük. Ayrılmağıma gəldikdə isə sözün düzü biraz anlaşılmazlıq oldu. Çünki siz özünüz də gördünüz mən arxada qalan mövsümdə "Neftçi"də çox vacib qollar vurdum. Məşqçi də o vaxt məndən narazı qalar ki, hansısa taktiki gedişdə səhvə yol verim.
-Nizam-intizamsızlıqla bağlı ola bilərdi?
Vallah açığını desəm mənim çılğın futbolçu olduğumu hamı yaxşı bilir. Ancaq mən meydanda futbolçuyam. Həyatda tamam başqa insan. Yenə deyirəm mən hansı klubda hansı məşqçi ilə işləməyimdən asılı olmayaraq problem yaşamamışam.
-"Qəbələ"də hansı nömrə ilə çıxış edəcəksən?
Təqdimat mərasimi olundu. 27 nömrəli formada çıxış edəcəm doğma nömrəmdə.
-"Neftçi"də çıxış etdiyin vaxtlar millimizin baş məşqçisi Berti Foqts tərəfindən təlim-məşq toplanışlarına mütəmadi olaraq dəvət alırdın. Ancaq son vaxtlar səni heyətdə görə bilmirik. Bunu nə ilə əlaqələndirərdin?
Təbbi ki, hər futbolçu kimi mənim üçün də millimizin şərəfini qorumaq qürurvericidir. Ancaq nə deyim vallah bu baş məşqçinin fikridir. Bəlkə gələcəkdə dəyişikliklər olundu ola bilsin yenidən dəvət aldım. Çünki mən sözümü demiş futbolçuyam.
Hidayət QURBANOV
