“Rəqibə cəmi bir qol epizodu verdik” – Elşad Əhmədov
02.02.2019 , 19:09
Azərbaycan Premyer Liqasında XV turun “Zirə” – “Sabah” (0:2) oyunundan sonra keçirilən mətbuat konfransında qonaq komandanın baş məşqçisi Elşad Əhmədov jurnalistlərin suallarını cavablandırdı.
O, əvvəlcə matç barədə fikirlərini bildirdi…
– Maraqlı oyun keçdi. Azlıqda qalmağımıza baxmayaraq, komanda ruhdan düşmədi və rəqibi təzyiqdə saxladı. İkinci hissədə oyuna nəzarət etdik. 90 dəqiqə ərzində rəqibə cəmi bir qol epizodu verdik. “Sabah”sevərlərin hamısını təbrik edirəm.
– Yeni transferləriniz özlərini yaxşı tərəfdən göstərdilər. Demık olarmı ki, komandadakı bütün boşluqları doldurmusuz?
– Bir hücumçuya ehtiyacımız var. Ola bilər ki, bu mövqeyə oyunçu alaq. Yeni futbolçularımızın hər biri özünü yaxşı tərəfdən göstərdi. Onlara belə oyuna görə təşəkkür edirəm.
