“Rəvan”dan Şahin Diniyev açıqlaması

Vladislav Qədirovun “Rəvan”dan göndərilməsindən sonra vakant yerə milli komandamızın sabiq çalışdırıcısı Şahin Diniyevlə danışıqlara başlanıldığı barədə məlumat vermişdik.

Klubun mətbuat katibi Elvin Yaqubov Korner.az-a açıqlamasında xəbəri nə təsdiq, nə də təkzib edib:

“Yeni baş məşqçinin kimliyi məsələsi hələ yekunlaşmayıb. Rəhbərlik bir neçə namizəd üzərində götür-qoy edir. Hər halda yaxın 2-3 gün ərzində bu məsələ həllini tapmalıdır”.