Premyer Liqanın bu il keçirilən ilk oyununda "Turan”ı 2:0 hesabı ilə məğlub edən "Rəvan” futbol klubu artıq növbəti matçın hazırlıqlarına başlayıb.
Korner.az-ın klubun rəsmi saytına istinadən verdiyi məlumata görə, fevralın 16-da üz-üzə gələcəyi "Kəpəz”lə matça ciddi hazırlaşır. Bu gün Bayıl Arenada baş tutan məşqdə "Turan”la görüşdə start heyətində yer alan futbolçular ayrıca çalışdı. Baş məşqçi Ramil Əliyev onları elə də çox yükləməməyə üstünlük verdi. Qalan komanda üzvləri isə meydanın o biri yarısında əvvəlcə fiziki çalışmalarla məşğul oldu, sonra ise müxtəlif təmrinlər yerinə yetirildi. Düşərgədə əla ab-havanın olması da qeyd olunmalıdır. Futbolçuların öz aralarındakı zarafatları da məşqə rəng qatdı.
