Çempionlar liqasının növbəti turu çərçivəsində baş verən "Qarabağ" – "Çelsi" oyunu 0-4 hesabı ilə başa çatıb
Öz meydanında ingilislərə uduzan "Qarabağ", həmçinin Çempionlar liqasındakı mübarizəsini dayandırdığını rəsmiləşdirib.
Oyundan sonra "Qarabağ"ın kapitanı Rəşad Sadıqovla söhbətləşdik:
-Oyun haqqında fikirlərinizi öyrənmək istərdik:
-Oyun haqqında nə isə danışmaq çətindir. Oyunu 2 hissəyə bölmək olar. Qırmızı vərəqəyə qədər və qırmızı vərəqədən sonra. Vərəqəyə qədər hər şey yaxşı başlamışdı, oyun nəzarətdə idi. Bir anda hər şey pozuldu. Nəzarəti itirdik.
-Rəşad, qırmızı vərəqə göstərəndə hakimə nə dediniz ?
"Heç olmasa penalti versin" dedim, qırmızı vərəqə çox haqsız oldu.
-Niyə razılaşmırsan qırmızı vərəqəylə?
-Mən hələ də başa düşməmişəm ki, o hakim hansı vəziyyətə görə qırmızı vərəqə verib? Ola bilər ki, köynəyindən tutub dartmağa görə, amma bu penalti ola bilərdi. Qırmızı vərəqə yox. Əgər təkbətək topa gedən ana görə verirsə qırmızını, onda gərək bütün oyun boyu hamıya qırmızı vərəqə göstərsin. Biz heç vaxt hakimlər haqda danışmamışıq, amma bu dəfə emosiyalarımızı saxlaya bilmirik.
-Rəşad, sanki "Qarabağ" bəxtsiz komandadı. Mişelin qolu alınsaydı bəlkə də hər şey başqa cür olardı?
-Avropa oyunlarında hakimlər bizə qarşı çox sərt mövqe tuturlar. Mən birinci dəfədi ayaqüstü mübarizədən sonra penalti verildiyini görürəm. Heç kim yıxılmır, amma penalti verirlər.
-"Roma"yla oyuna biraz ümid edəkmi?
-Çətin səfər oyunu olacaq. Çox istəyərdik ki, bu gün qəlbə qazanaq. Çox məyusuq. Mən qorxurdum ki daha böyük hesabla məğlub olaq. Amma bəxtimiz belə gətirdi. İnşallah "Roma" ilə younda azakeşlərin üzünü güldürərik.
