“Qarabağ”ın kapitanı Rəşad Sadıqov Çempionlar Liqasının üçüncü təsnifat mərhələsindəki mümkün rəqibləri olan Avstriya “Zalsburq”u barədə fikirlərini mətbuatla bölüşüb.
Korner.az-ın məlumatına görə, təcrübəli futbolçu “Zalsburq”un ciddi rəqib olduğunu bildirib:
“Bizim bütün diqqətimiz “Valletta” ilə cavab matçına yönəlib. Başqa heç nə barədə düşünmürük. Düşünürəm ki, indidən növbəti rəqibi müzakirə etmək düzgün deyil. Çünki. hələ üçüncü mərhələyə vəsiqə qazanmamışıq. Bütövlükdə götürsək, əlbəttə ki, bizim cütün bəxti gətirməyib. Həm “Qarabağ”, həm də “Valletta” üçün “Zalsburq” çox ciddi rəqibdi. Asan olmayacaq”.
