"Qarabağ"ın və milli komandamızın kapitanı Rəşad Sadıqov Azərbaycanın ən faydalı futbolçusu seçilib.
Buna Korner.az saytının "Facebook" səhifəsində apardığı sorğuda aydınlıq gəlib.
Sorğu üç mərhələdən ibarət olub. Futbolsevərlər öz mövqeyində komandası üçün daha faydalı olan oyunçuları müəyyən edib. Yekunda final mərhələsinə qədər ən çox səsi Bədavi Hüseynov və Rəşad Sadıqov toplayıb. Finalda "Qarabağ"ın iki müdafiəçisi bir-birinə rəqib olub və kapitan azarkeşlərin daha çox səsini toplayıb.
İki həftədən çox davam edən yarışda ümumilikdə 16 futbolçunun iştirak edib. Rəşad Sadıqov "Facebook"da korner.az izləyicilərinin digər rəqiblərindən çox – 433 səsini toplayıb. Bədavi Hüseynov isə 330 səs toplayıb
