“Qəbələ”də braziliyalı futbolçu – Rəsmi
11.09.2020 , 17:13
Transfer çalışmalarını davam etdirən “Qəbələ” klubu heyətini yeni futbolçu ilə gücləndirib.
“Qırmızı-qaralar” braziliyalı Rafael Utziq transferini reallaşdırıb. Bu barədə klubun mətbuat xidməti məlumat yayıb. 24 yaşlı hücumçu ilə 1+1 illik müqavilə imzalanıb.
İndiyədək yalnız vətənində çıxış edən cənubi amerikalının son klubu “Parana” olub. Sağ cinah vingeri mövqeyində də oynayan Rafael 2018-20-ci illərdə fasilə ilə bu komandanın heyətində A və B seriyalarında çıxış edib. Utziq karyerası ərzində “Foz de İquaçu” (2015, 2018), “Kaskavel” (2016), “Ypiranqa Ereçim” (2016-2018) və “Çianorte”nin (2019) də formasını geyinib.
