Türkiyədə təlim-məşq toplanışında olan “Qəbələ” bu gün ikinci yoxlama oyununu keçirəcək.
Korner.az-ın klubun saytına istinadən yaydığı xəbərə görə, yanvarın 10-dan Antalyada hazırlıq keçən Roman Qriqorçukun komandası İsveçrənin “Sürix” klubu ilə üz-üzə gələcək.
Bundan əvvəl Almaniyanın aşağı liqa təmsilçisi “Osnabryuk”la heç-heçə (1:1) edən “qırmızı-qaralar”ın bu dəfəki rəqibi zəngin tarixə malikdir. Finlandiya futbolunun əfsanələrindən olan Sami Hyuypiyanın baş məşqçisi olduğu “Sürix” cari mövsümün ilk yarısını uğursuz keçirib. 18 turdan sonra 17 xalı olan komanda 10 iştirakçı arasında 9-cudur. Cari mövsüm UEFA Avropa Liqasında çıxış edən sürixlilər III təsnifat mərhələsində mübarizəni dayandırıb.
Yoxlama oyunu
19:00.“Qəbələ” – “Sürix” (İsveçrə) – 4:0
Qollar: Vadim Abdullayev, 20; Antonov, 73, 76; Samir Zərgərov, 80.
“Miracle” otelinin stadionu
