“Barselona”nın sabiq futbolçusu Xavi keçmiş baş məşqçisi Pep Qvardiola haqda fikirlərini bildirib.
Korner.az-ın məlumatına görə, təcrübəli futbolçu Qvardiolanın ingilis futbolundakı rolundan danışıb:
“Qvardiola ingilis futbolunu dəyişə bilər. O, dünyanın ən yaxşı çalışdırıcılarından biridir. Artıq “Mançester Siti”nin oyunlarında onun təsiri görünür. Ola bilər ki, biz böyük dəyişiklik də görəcəyik. Hazırda tamaşaçıların izlədiyi “Mançester Siti” Qvardiola tərzidir. Hətta düşünürəm ki, bu dəyişiklik artıq milli komandaya da təsir edəcək. Onun tərzində bir çılğınlıq, coşğunluq olur”.
