İngiltərə Premyer Liqada mübarizə aparan “Mançester Siti”nin baş məşqçisi Pep Qvardiola cari mövsümün ona dərs olduğunu deyib.
Korner.az-ın məlumatına görə, Premyer Liqa üçün ümidlərinin qalmadığını deyən təcrübəli mütəxəssis:
“Əminəm ki, gələcəkdə daha yaxşı olacam. Bu mövsüm mənim üçün böyük dərs oldu”.
Hədəflərinin Çempionlar Liqasına vəsiqə qazanmaq olduğunu bildirən ispan baş məşqçi: “Əgər Çempionlar Liqasına vəsiqə qazansaq, bizim üçün böyük uğur olar. Lakin özümüzə qarşı dürüst olmalıyıq. Premyer Liqanı qazanmaq üçün çox da yaxşı deyildik”.
Xatırladaq ki, “Mançester Siti” hal-hazırda Premyer Liqa 58 xalla 4-cü sıradadır.
