“Qarabağ” Qurban Qurbanovun rəhbərliyi altında 75-ci avrokubok matçına çıxacaq
Bu yubiley Çempionlar Liqasının qrup mərhələsinin V turuna təsadüf edəcək.
Bakıda keçiriləcək “Qarabağ” – “Çelsi” matçı 45 yaşlı mütəxəssisin Ağdam klubundakı 75-ci Avropa sınağı olacaq. Komandası ilə avrokuboklarda 2009-cu ildə debüt edən Qurbanov 74 belə qarşılaşma görüb.
Bu matçlarda “Qarabağ” 31 qələbə qazanıb, 22 heç-heçə edib və 21 dəfə uduzub. Qurbanovun yetirmələri 83 qol vurub və 72-ni buraxıblar.
Bu 74 görüşdən 22-si Çempionlar Liqası, 52-ci Avropa Liqasına təsadüf edib.
Qeyd edək ki, Qurbanov azərbaycanlı məşqçilər arasında avrokuboklarda ən çox iş başında olan mütəxəssisdi.
