"Qarabağ" daim gənclərə, yerlilərə üstünlük verən komanda kimi tanınır. "Qarabağ"dan təklif gələn kimi düşünmədən qəbul etdim".
Korner.az-ın məlumatına görə, bu sözləri "Qarabağ"ın yeni transferi Hacı Əhmədov deyib. Gənc futbolçu klubun rəsmi saytına açıqlamasında Ağdam təmsilçisinə keçidinin səbəblərini açıqlayıb:
"Qurban Qurbanovla işləmək mənim üçün əla bir şansdır. Bilirəm ki, işim heç də asan olmayacaq. Əsas heyət uğrunda mübarizə böyükdür. Amma öz üzərimdə işləməyə davam edəcəm. Əsas məqsədim komandama faydalı olmaq və milli komandada möhkəmlənməkdir".
