“Qarabağ”ın baş məşqçisi Qurban Qurbanov Çempionlar Liqasının qrup mərhələsindəki oyunlarını Bakı Olimpiya Stadionunda keçirmələriylə bağlı ehtimala fikir bildirib.
O, TPL-in III turunda “Qəbələ”yə (2:1) qarşı keçirdikləri oyundan sonra keçirilən mətbuat konfransında bununla bağlı suala cavab olaraq deyib ki, hansı stadiona öyrəşməyin əhəmiyyəti böyükdü və böyük ehtimalla “Tofiq Bəhramov”da oynayacaqlar:
“Hər komanda bir stadiona uyğunlaşır və orda özünü daha rahat hiss edir. İstərdik ki, azarkeş sayımız 70 min olsun. Amma bu məsələni hərtətəfli müzakirə etməliyik. Açığı, “Azersun Arena”da oynamaq belə daha çətindi, nəinki “Tofiq Bəhramov”da. UEFA-ya da oranı göndərmişik. Yəqin ki, elə Respublika stadionunda da oynayacağıq”
