“Çox gərgin oyun oldu. Hesab 2-0 olduqdan sonra bir az rahatladıq. Ancaq hesaba baxmayaraq komanda sürətli ötürmələri ilə diqqət çəkirdi. Çox gözəl oyun oldu. Elə bilin ki,öz evmizdə oynayırdıq və buradakı azarkeşlərdən möhtəşəm dəstək gördük”.
Korner.az-ın məlumatına görə, bunu “Qarabağ”ın vitse-prezidenti Tahir Gözəl deyib.
Klub rəsmisi kubokun finalından sonra verdiyi açıqlamada yeni transferlərin ola biləcəyini də bildirib:
“Bir neçə oyunçularla danışıqlar gedir. Ancaq ortaq məxrəcə gəlməmişik. Biz Qurban Qurbanova hər cür şərait yaratmışıq. Klubun büdcəsi də yetəri qədərdi. O, kimi desə biz “hə” deyərik”.
