Qurban Qurbanov: “Yarımmüdafiə və hücum xəttinə yeni futbolçular transfer etmək istəyirik”
28.07.2024 , 20:18
“Qarabağ”ın baş məşqçisi Qurban Qurbanovun UEFA Çempionlar Liqasının II təsnifat mərhələsində qarşılaşacaqları “Linkoln”la (Cəbəllütariq) oyun öncəsi mətbuat konfransı keçirilib.
Korner.az xəbər verir ki, mütəxəssis görüşlə bağlı bunları deyib:
“Əlimizdə olan heyətlə bütün oyunlara hazır olmalıyıq. Bununla belə, baş məşqçi olaraq istərdim ki, heyətə bir neçə futbolçu daha cəlb edim. Çünki mövsümün gedişində zədəli oyunçular ola bilər. Yarımmüdafiə və hücum xəttinə yeni futbolçular transfer etmək istəyirik”.
“Qarabağ” – “Linkoln” görüşü iyulun 30-u Tofiq Bəhramov adına Respublika stadionunda keçiriləcək. Matça saat 20:00-da start veriləcək.
