“Oyun inamlı olmadı. Bunda “Kəpəz”in oyununun da rolu vardı. Son 15 dəqiqədə açıq futbol gördük. Rəqib bizə çətinlik yaratdı, 5 müdafiəçili sistemə keçməklə mərkəzi ələ keçirmişdilər. Bu mənada Şahin müəllim bizi təəccübləndirdi. Rəqibin də yaxşı epizodları oldu. Hətta oyun heç-heçə də bitə bilərdi”.
Korner.az-ın məlumatına görə, bu sözləri Topaz Premyer Liqasının 13-cü turu çərçivəsində keçirilmiş “Qarabağ” – “Kəpəz” qarşılaşmasından sonra meydan sahibi komandanın baş məşqçisi Qurban Qurbanov “CBC Sport” telekanalına açıqlamasında deyib.
Qurbanov Avropa Liqasının qrup mərhələsi çərçivəsində “Tottenhem”lə keçirəcəkləri oyunla bağlı da fikirlərini bildirib: “İlk hissənin son 15 dəqiqəsini zədəli halda oynadı. İkinci hissədə risk etməyib onu əvəzlədik. Məncə, onun bizə etirazı ola bilməz, mümkündür ki, zədəsinə görə özündən narazı qalıb birbaşa paltardəyişmə otağına getdi. Sabahdan etibarən “Tottenhem”lə oyunun hazırlığına başlayacağıq. Ola bilər ki, məğlub olaq, ancaq əmin ola bilərsiz ki, komandamız sonadək mübarizə aparacaqlar, maksimum dərəcədə rəqibin rahat oynamasına imkan verməyəcəyik”.
