Topaz Premyer Liqasının XIII turu Tofiq Bəhramov adına Respublika Stadionunda keçirilən “Qarabağ” – AZAL görüşü ilə start götürdü.
Korner.az-ın məlumatına görə, oyun meydan sahiblərinin 2:1 hesablı qələbəsi ilə başa çatdı.
“Qarabağ”ın baş məşqçisi Qurban Qurbanov oyunsonrası mətbuat konfransında fikirlərini açıqlayıb:
“İstədiyimiz 3 xalı qazana bildik. Əsas heyət oyunçularına şans verdik ki, “Sent Etyen”lə oyundan öncə praktika çatışmazlığı olmasın. Amma səhvlər yenə də var idi. Onların üzərində işləməliyik. Reynaldo və Dias zədəlidirlər. Təəsüf ki, Fransada bizə kömək edə bilməyəcəklər. Reynaldo ancaq 10 gündən sonra oynaya biləcək”.