Qurban Qurbanov: “Rəqiblərimizi daha yaxından analiz etməyə çalışacağıq”
30.08.2019 , 19:57
“Qarabağ”ın baş məşqçisi Qurban Qurbanov Avropa Liqasının qrup mərhələsinin püşkünü dəyərləndirib.
Korner.az xəbər verir ki, mütəxəssis klubun saytına açıqlamasında A qrupunda yer alan rəqiblərlə bağlı fikirlərini bildirib:
“Rəqiblərimizdən APOEL tanış rəqibdir, gücləri bəllidir. “Düdelanj”la daha öncə qarşılaşmışıq, amma həmin vaxtdan uzun müddət keçib. Onların ardıcıl olaraq qrup mərhələsində iştirakı uğurlarının təsadüfi olmadığının göstəricisidir. “Sevilya” isə hamıya bəllidir, Avropa Liqasını ən çox qazanmış klubdur. Hələ vaxtımız var, rəqiblərimizi daha yaxından analiz etməyə çalışacağıq”
