.jpg)
65-ci qələbə sevinci
Topaz Premyer Liqasının XIII turu "Qarabağ" və baş məşqçisi Qurban Qurbanov üçün əlamətdar olub.
Korner.az-ın məlumatına görə, "Simurq"la qarşılaşmada qazanılan 2:1 hesablı qələbə tarixi əhəmiyyət kəsb edib.
Məsələ ondadır ki, 135-ci dəfə ağdamlıları baş məşqçi kimi çempionat oyununa çıxaran Qurbanov 65-ci dəfə qələbə sevinci yaşayıb. Bununla da Qurbanov "Qarabağ"ın baş məşqçisi postunda çempionatda ən çox qələbə qazanan mütəxəssis olub.
O, Ağasəlim Mircavadova məxsus rekordu arxada qoyub. Təcrübəli mütəxəssis 119 çempionat oyununda 64 dəfə "Qarabağ"ın qələbəsinə memarlıq edib, 33 heç-heçə edib və 22 dəfə məğlub olub. Bu qarşılaşmalarda top fərqi 185-87-di.
"Qarabağ"ın çempionat oyunlarındakı qələbə sayında 3-cü pillədə isə Şahin Diniyevdi. Onun rəhbərliyi ilə komanda 31 dəfə 3 xala sevinib.
