Avrokuboklar

Qurban Qurbanov: “Məğlub olsaq, buna peşəkar biri kimi yanaşacağıq”

23.08.2018 , 09:44

“Qarabağ” Avropa Liqasının pley-off mərhələsinin ilk oyunları çərçivəsində sabah Moldovanın “Şerif” klubunun qonağı olacaq.

Oyundan öncə Ağdam klubunun baş məşqçisi Qurban Qurbanov mətbuat konfransında fikirlərini bölüşüb. Təcrübəli mütəxəssis sabah ağır oyuna çıxacaqlarını deyib:

 

“Sabah bizi meydanda çətin rəqib gözləyir. Hər iki komandanın avrokuboklarda qrupa qalmaq üçün son şansıdır. Ona görə də hamı bu şansdan istifadə etməyə çalışacaq. Mövsümün əvvəlində hədəfimiz avrokuboklarda qruplara qalmaqdan ibarət idi. Ancaq azarkeşlərimizi sevindirmək üçün əlimizdən gələnin ən yaxşısını etməyə çalışacağıq. Məğlub olsaq da, buna peşəkar biri kimi yanaşacağıq”.

 

Qurbanov ötən mövsüm ÇL-in təsnifat mərhələsində “Şerif”lə oyunları xatırlayıb və indiki komanda ilə fərqin böyük olduğunu deyib: “Ötən ilki “Şerif”lə bu ilki arasında böyük fərq var, komandanın yeni baş məşqçisi var, bu da yeni oyun fəlsəfəsi deməkdir. Daha çox topla oynayan bir komandaya qarşı mübarizə aparacağıq”.

 

Mütəxəssis BATE ilə görüşdə qırmızı vərəqə alaraq, cəzalı duruma düşən Emeqaranı böyük itki adlandırıb: “Emeqaranın olmaması bizim üçün itkidir. Amma biz bu oyuna Emeqarasız hazırlaşmışıq. Heyətdə də ola bilsin bir neçə problem var. Amma buna baxmayaraq, oyuna hazırlaşmışıq”.

Son yazılar

Yuxarı