Oktyabrın 2-də Avropa Liqasının qrup mərhələsi çərçivəsində “İnter”lə səfərdə qarşılaşacaq “Qarabağ”ın baş məşqçisi Qurban Qurbanov İtaliyanın məşhur “La Gazetta dello Sport” nəşrinin müsahibi olub.
Korner.az-ın klubun saytına istinadən məlumatına görə, Ağdam təmsilçisinin bu yarışda əsas mərhələyə yüksəlməsi İtalyanın məşhur “La Gazetta dello Sport”un da diqqətini çəkib.
Dünyaca ünlü nəşrin əməkdaşları komandanın məskunlaşdığı otelə gələrək baş məşqçi Qurban Qurbanovdan geniş müsahibə götürüblər. Qarabağ həqiqətləri, “Qarabağ”ın uğurları və tarixi haqqında Qurbanovla danışan italyanlar “İnter”lə görüş barəsində də təcrübəli mütəxəssisin fikirlərini alıblar.
