"Qarabağ" Premyer Liqanın X turunda səfərdə "Sumqayıt"ı 3:0 hesabı ilə məğlub edərək liderliyini davam etdirdi.
Korner.az-ın məlumatına görə, oyundan sonra ağdamlıların baş məşqçisi Qurban Qurbanov bu sözləri deyib:
“İlk hissədə oyunumuz yaxşı alınmadı. İkinci hissədə daha yaxşı oynadıq, üç qol vurub qalib gəldik. Daha çox qol vura bilərdik, qol epizodlarımız oldu. Hava şəraiti də oyunumuza təsirsiz ötüşmədi. Süni örtüklü olmasına baxmayaraq, meydançanın vəziyyəti yaxşı idi. “Sumqayıt” klubu stadionda çox yaxşı şərait yaradıb”.
