"İlin ən yaxşı baş məşqçisi" seçilən Qurban Qurbanovun mükafatlandırılma mərasimi bu gün baş tutub
"Fairmont otel"də keçirilən tədbirdə PFL prezidenti Ramin Musayev, həmçinin, çox sayda media nümayəndəsi iştirak edib.
Baş məşqçi mükafatını Komanda.az saytının baş redaktoru Rəşad Ergün tərəfindən qəbul edib.
Xatırladaq ki, komanda.az saytının keçirdiyi ənənəvi sorğuda 74 mətbuat orqanından 79 jurnalist iştirak edib. 77 səs toplayan Qurban Qurbanov 8-ci dəfə ilin ən yaxşı məşqçisi seçilib. 45 yaşlı mütəxəssis demək olar ki, yekdilliklə bu mükafata layiq görülüb. Sorğuda iştirak edənlərdən cəmi iki nəfər “Zirə”nin baş məşqçisi Ayxan Abbasovu fərqləndirib.
