Qarabağ”ın baş məşqçisi Qurban Qurbanov Azərbaycan Premyer Liqasının 28-ci turunda “Bakı” ilə bərabərə (1:1) qaldıqları matçdan sonra fikirlərini bildirib.
Korner.az-ın PFL-in saytına istinadən yaydığı xəbərə görə, o, oyun ərzində qol epizodları yaratdıqlarını söyləyib. Buna baxmayaraq, Q.Qurbanov futbolçularda yorğunluq hiss olunurduğunu deyib:
“Matça yaxşı hazırlaşa bilməmişdik. “Bakı” bu gün bizdən xal aldı. Futbolçuların üzərinə çox getmək istəmirəm. Matçın gedişində hər şey görünürdü. Futbolçularım düzgün düşünə bilmirdi. İndi əsas məqsəd oyunçuları yaxşı vəziyyətə gətirməliyik”.
Q.Qurbanovun sözlərinə görə, hücumda müəyyən problemləri var:
“İstədiyimiz dəyişiklikləri edə bilmirik. Sizinlə danışmalı çox məsələ yoxdur. Futbolçularla isə çox məsələni danışmalıyıq”.
