“Qarabağ”ın baş məşqçisi Qurban Qurbanov dünən Almaniyanın “Zonnenhof Qrossaşpax” komandası ilə keçirilən yoxlama oyunundan sonra (6:1) klubun rəsmi saytına açıqlama verib.
Korner.az-ın məlumatına görə, təcrübəli mütəxəssis komandasının hazırlığından razı qaldığını bildirib:
“Avstriyada beş oyun keçirməyi planlaşdırırdıq. İlk iki oyunda məğlub olsaq da sonradan qələbələr qazandıq. Keçirdiyimiz ilk oyunlarda hazırlığa yeni başlamışdıq. Sonradan tədricən proqramımıza uyğun çalışmalaramızı yerinə yetirdik. Ümumi götürdükdə oyunlardan razı qaldım.Düzdü, belə oyunlarda hesab o qədər əhəmiyyət kəsb etmir. Amma futbolçuların əzmindən razı qaldım. Bir-iki xırda problem nəzərə almasaq, hazırlıqdan narazılığım yoxdu. İndi qarşıdan “Valletta” ilə Çempionlar Liqasının oyun gəlir. Bu matça qədər hardasa bir həftə vaxtımız var. Diqqətimizi bu qarşılaşamanın hazırlığına yönəldəcəyik”.
