TPL VII turunda “Qəbələ”nin qonağı olan “Qarabağ” görüşdə məğlub oldu – 0:2
Korner.az-ın məlumatına görə, ağdamlıların baş məşqçisi oyundan sonra mətbuat konfransında iştirak edib.
İlk olaraq öz fikirlərini səsləndirən Qurbanov daha sonra jurnalistlərin suallarını cavablandırıb.
“Rəqibi təbrik edirəm, vacib və yaxşı qələbə qazandılar. Oyun maraqlı alındı, heç də Avroliqa oyunlarından geri qalmadı. Çətin oldu. İlk dəqiqələrdən alınmasa da, sonradan oyunu sakitləşdirdik. Çalışdıq ki, oyunumuzu quraq. Təəssüf ki, məğlub olduq. Son 3 səfər oyunu çox ağır oldu. Bunları əvvəlcədən bilirdik. Məğlub olmaq istəməzdik. Futbolçuların yarıdan çoxu milli komandaya gedəcək və qalanları istirahət edəcək. Qarşıda maraqlı oyunlar var. Çalışacağıq ki, bu oyunlara daha düzgün hazırlaşaq.
– “Qarabağ” bu gün rəqibinə nədə məğlub oldu?
– Qol buraxdıq, amma qol vura bilmədik. Görünən odu ki, ilk dəqiqələdən köklənə bilmədik. Ümumi oyuna nəzər salaq. Sonda düşündüyümüz kimi oldu. Komandanın oyun fəlsəfəsi belədi – ilk dəqiqələrdən təzyiqi artırmaq. Bunu bilirdik, amma təssüf ki, bacarmadıq. İlk dəqiqələrdən məğlub olduq.
– Əfran və Rəşadın oynamamağının məğlubiyyətdə rolu varmı?
– Onlar zədəlidilər. Rəşadın dizində ağrılar var. Əfran da bir ay oynamaycaq. Rəşad Florensiya ilə oyundan sonra məşq eləməyib. Belə oyunlarda nə qədər çox futbolçu olsa, bir o qədər yaxşıdı
– Yaranacaq fasilə sizin eniş vaxtına düşməyi komandaya necə təsir bağışlayacaq?
– Bu yaxşı olmayacaq. Çünki komanda birlikdə olmalıdı. Buna hazır olmalıyıq. Əlimizdə olan imkanlardan istifadə etməyə çalışırıq. Komanda birlikdə olmalıdı ki, səhvləri müzakirə etməyə daha çox vaxtımız olsun.
– Uzun zamandı “Qarabağ”ı belə görmürük. Komandada nə baş verir?
– Məğlub olduq. Yəni avroliqanı bura daxil etmək düzgün deyil. Əlbəttə bu bizi narahat edir. Amma bir şey baş vermir. Biz sadəcə rəqiblərə qarşı istədiyimiz oyunu qura bilmədik. Komandanın oyunundan razı qaldım. Xüsusən də, ikinci hissədə. Məncə normaldı. Futbolda hər komanda belə halla üzləşir. Əsas məqam, bundan sonraki oyunlardı. Bunu normal qəbul edirəm.
– Dino Ndlovdan razısızmı?
– Dinonun fiziki durumu normaldı. Xüsusi nüfuza fikir vermək lazım deyil. Futbolçu zəifləməyib. Onun hazırki durumu məni qane edir. Oyundan-oyuna daha çox inkişaf edirik.
– Diqqətinizi daha çox Avroliqaya yönəldəcəksiz?
– Biz çalışırıq ki, hər iki turnirdə diqqətli olaq. Düzgün hazırlaşaq, həm avroliqa, həm də çempionat bizim üçün vacibdi. Qəbələ imkan yaratmır ki, ancaq Avroliqanı düşünək. Çempionatın səviyyəsini götürsək və 6 xal fərqi nəzərə alsaq, bu olduqca böyük rəqəmdi
– Əsas futbolçular niyə sonradan meydana daxil oldu? Bununla oyunu riskə atmadız ki?
– Əsas heyətdə o qədər də dəyişiklik olmadı. Rəşad və Əfran zədəli idi. Florensiya səfərində 60 dəqiqə 10 nəfərlə oynadıq. Futbolçular həm güc itirdi, həm də psixoloji sarsıldıq. Çox dəyişiklik olmadı.
– Elvin Yunuszadənin oyunundan razısızmı?
– Elvin heç də pis təsir bağışlamır. Play – offda da Elvinlə oynadıq. Onun bugünki durumu pis deyil. Sadəcə Elvinin xarakterindən narazı oluram. Bu tənqidlər Elvinə daha çox kömək olmalıdı. Özəl həyatda ciddi olmalıdı. Həyata baxışını dəyişməlidi. Futbolçu olduğum vaxt mənə tənqid olanda daha çox kömək olub. Prinsipial olmuşam. Bunu da futbolçulara çatıdrmağa çalışıram. Əfsuslar olsun ki, Elvinə tam bacarmamışam. Amma Elvin dəyişib və heç də pis təsir bağışlamır. Daha da yaxşı oynaya bilər, daha da yaxşı müdafiəçi ola bilər. Komandanın psixoloqu mənəm. Özüm bu yolu keçmişəm. Ona görə də bunu tam üzərimə götürmüşəm. Biz daha tez dil taparıq nəyinki kənar şəxs.
