“Vacib 3 xal qazandıq. Futbolçularda yorğunluq var. Buna baxmayaraq yaxşı oynadılar”.
Korner.az-ın PFL-in saytına istinadən yaydığı xəbərə görə, bu sözləri “Qarabağ”ın baş məşqçisi Qurban Qurbanov Azərbaycan Premyer Liqasının 29-cu turunda AZAL-a 2:1 hesabı ilə qalib gəldikləri matçdan sonra deyib.
“Bilirdik ki, AZAL bizimlə oyuna yaxşı hazırlaşacaq. Ona görə də həm ehtiyat edirdik, həm də ciddi hazırlaşırdıq. Bu gün biz qalib gəldik. Öz növbəmdə Tərlan Əhmədova və komandasına uğurlar arzu edirəm” – deyə o bildirib.
Q.Qurbanov onu da qeyd edib ki, hazırda sıx qrafikdə oynayırlar:
“Çalışırıq ki, problemləri hiss etdirməyək”.
