Qurban Qurbanov: “Bizim üçün vacib oyundur”
13.03.2024 , 21:19
“Qarabağ”ın baş məşqçisi Qurban Qurbanov Avropa Liqasının 1/8 finalı üzrə “Bayer 04″lə keçiriləcək oyun öncəsi baş tutan mətbuat konfransında fikirlərini bölüşüb.
Korner.az xəbər verir ki, mütəxəssis jurnalistlərin suallarını cavablandırıb:
“Bizim üçün vacib oyundur. Son vaxtların ən yaxşı komandalarından birinə qarşı oynayırıq. Cavab oyununda daha diqqətli olmalıyıq. Bu stadionda yenidən oynamaq xoşdur. Oyun haqda çox fikir bildirməyə ehtiyac yoxdur, diqqətimizi oyuna yönəltmişik. Sabah 90 dəqiqə həddindən artıq diqqətli olmalıyıq”.
“Bayer 04” – “Qarabağ” oyunu sabah Bakı vaxtı ilə saat 00:00-da start götürəcək.
