Topaz Premyer Liqasının II turunda “Rəvan”ın qonağı olan “Qarabağ” 2-1 hesablı qələbə qazandı.
Korner.az-ın məlumatına görə, oyundan sonra mətbuat komfransı keçirilib.
“Qarabağ”ın baş məşqçisi Qurban Qurbanov bunları deyib:
“Havanın isti olmasına baxmayaraq, futbolçular sona qədər çalışdılar. Çünki qələbə qazanmaq vacib idi. Cari çempionat asan keçməyəcək. Rəqib “Rəvan” barədə xoş sözlər deməliyəm. Az vaxtda yaxşı kollektiv kimi formalaşan “Rəvan” bizə problem yaratdı. Komandanın baş məşqçisi Emin Quliyevə uğurlar arzulayıram. Düşünürəm ki, “Rəvan” çətin komandadır. Fürsətdən istifadə edib, azarkeşlərə oyuna gəldikləri üçün təşəkkür edirəm.
Hazırda hücumçu və müdafiəçi axtarırıq. Son vaxtlarda transfer etmək bir qədər çətin olub. Əgər futbolçu tapa bilsək, ayın 31-dək transfer etmək niyyətindəyik”.
