“Qrupda bizim heç bir ambisiyamız yoxdur” – Dino Ndlovu

“Çempionlar Liqasında oynamaq ifadəolunmaz bir hisdir. Amma biz debütantıq. Buna görə də bizim üçün çətin olacaq”.

Bu sözləri “Qarabağ”ın futbolçusu Dino Ndlovu “Kickoff”a deyib.

27 yaşlı hücumçu Çempionlar Liqasının qrup mərhələsində “Çelsi”, “Atletiko”, “Roma” kimi komandalarla oynamağın möhtəşəm olacağını bildirib: ” Biz oyunlarda öz potensialımızı ortaya qoyacağıq. Heç nə itirməyəcəyik. Çünki qrupda bizim heç bir ambisiyamız yoxdur. Bu sadəcə təcrübə olacaq”.