“Qəbələ”nin baş məşqçisi Roman Qriqorçuk UEFA Avropa Liqası II turu çərçivəsində “Maynts”la keçirilən oyundan (2:3) sonra mətbuat konfransında jurnalistlərin suallarını cavabıandırıb:
– “Maynts”ın daha əzmkar oynadığını qəbul edirsinizmi?
– Bu gün “Maynts” bütün komponentlərdə bizdən öndə idi. Hücumda, surətdə, inanılmaz dərəcədə fiziki gücdə olan komanda idi. Futbolçulara dedim ki, üzülməyə dəyməz. Biz vəhşi kimi oynadıq. Üzülməyə əsas yoxdu. Biz alman klubuyla ayrı yerdəyik, səviyymiz eyni deyil. Belə oyunlar çox olmalıdı. Sual odu ki, biz nə edə bilərik ki, “Qəbələ” də “Maynts” olan pillədə olsun. Mən üzülmürəm, çünki bunun xeyri yoxdu. Sonranı düşünmək lazımdı ki, bu səhvləri necə düzəldək.
– Hesab 2:1 olarkən, rəqib iki dəyişiklik etdi, onlar da fərqləndi…
– Rəqib komanda kompektləşmiş komandadı. Əvəzetmədən sonra oyun sürətləndi, hər dəqiqə oyunun sürəti artırdı. Bu da hesabın dəyişməsində özünü göstərdi. Düşünürəm ki, bu qolların olması normal idi. Təbii ki, məğlub olmaq elə də xoş deyil. Biz yenə də bu nəticədən nələrsə öyrənməliyik.
– Rəqib baş məşqçiyə əvəzetmələrə görə, yoxsa çempionat səviyyəsinə görə məğlub olduz?
– Orada zəyif komanda yoxdu. Mən yenə də təkrar edirəm. Biz niyə belə suallar veririk? Onların büdcəsinə fikir verin, oyununa və s. Təbii ki, təslim olmamalıyıq. “Lill” ilə möcüzə oldu, təbii ki bu həmişə olmayacaq. Anlamalıyıq ki, biz fərqli səviyyədəyik.
– Siz müdafiənin bu gün etimadı doğrultmadığını düşünürsünüzmü?
– Qol həmişə kiminsə səhvindən vurulur. Bu səhvləri biz həmişə analiz edirik. Futbolçulara tövsiyələr veririk. Bu gün kimisə günahlandırmaq istəmirəm. Mən onları günahlandırmaq istəmirəm. Onlar bu gün iki oyunluq güc sərf etdilər. Çünki rəqibin fiziki cəhətdən gücü həddindən artıq güclü idi. Əminəm ki, Filip Ozobiç bu gün hamıdan çox qaçdı. Bu bizim üçün böyük müsbətdi. Bu o deməkdi ki, biz də yaxşı futbolçular da var. Heç bir neqativ yoxdu. Uşaqlara da çox sağ ol deyirəm, onlara afərin.
– Teo Uiks və Kveksvekiri oynasa, nəticəyə necə təsir edərdi?
– Bizim hər futbolçumuz qızıl dəyərindədi. Hansı biri oynamasa, oyunumuza təsir edir. Təbii ki, bu bizim üçün itkidi. Bu futbolçular bizim tərzə çox uyğun gəlirlər. Mən də başa düşürdüm ki, onların oyunu çatışmır. Vernidub müdafiəçidi, amma dayaqda oynadı. Zədələr olmasaydı, oyunumuz daha yaxşı olardı.
