Topaz Premyer Liqasının VI turunda "Qəbələ" səfərdə "Zirə" ilə qarşılaşıb.
Korner.az-ın məlumatına görə, bölgə təmsilçiləri 3 xalı iki qolla qazanıb – 2:0
Oyundan sonra keçirilən mətbuat konfransında "Qəbələ"nin baş məşqçisi Roman Qriqorçuk oyun haqda danışıb:
– Qələbə gözlənilməz oldumu? Asan qələbə adlandırmaq olarmı?
– Düşünmürəm ki, gözlənilməz qələbə oldu. Asan oyun deməzdim. Çətin oyun oldu. Amma yaxşıdı ki, kənardan asan göründü. Əslində, çox çətin oyun idi və böyük təzyiqlə oynadıq. İlk dəfə olaraq, oyunçulara dedim ki, həm oyundan əvvəl, həm də sonra hər şey peşəkar idi.
– Bir qədər emosional idiniz. Bunu rəqibdən qorxmaqla bağalamaq olarmı?
– Rəqibən qorxmadıq. Heç vaxt qorxmamışam. Yəqin, bir az emosional oldum. Səbəbi ikinci hissədə oyun daha çox xoşuma gəldi. Qollar vurmaq istəyirdik. Bununla da rəqibin hesabı bərabərləşdirmək imkanını yaratmayaq. İkinci qoldan sonra da sakitlik yarandı.
– Əvəzetmə etməyi mexanizmin pozulmasına görə xoşlamadığınızı demişdiniz. Ruslan Qurbanovun meydana buraxılmasında tərəddüd oldu. Bu nə ilə bağlı idi?
– Əvəzetmələr mexanizmi pozmur. Əksinə yaxşı edir. Meydana girən futbolçu hər şeyi düzgün etməlidi, taktiyaya uyğun olaraq hərəkət etməlidi. İlk hissədə bir az çatışmazlıq var idi. İkinci hissədə bunu aradan qaldırdıq. Futbolçuları tənqid edə bilmərəm. Hər şey peşəkar idi və yüksək səviyyədə idi.
– Qarşıda "Maynts"la oyun gəlir, həmin matçda "Qəbələ"dən nə gözləmək olar. Nikanın durumu barədə nə deyə bilərsiz?
– Nika oynamayacaq. Minimum 2 həftə buraxacaq. "Maynts"la oyuna gəldikdə, şanslar var. Məlumdu ki, çox güclü komandadı. Baxmayaraq ki, sonuncu yerdədi, amma Bundesliqada oynayan komanda haqda deyə bilmərik ki, zəifdi. Biz sadəcə super oynamalıyıq ki, qələbə qazanaq.
– Belə vacib oyun ərəfəsində "Dinamo" Kiyevin sizinlə maraqlandığı xəbəri var. Bu cür xəbərlər sizə necə təsir etdi və sizə konkret olaraq təkliflər olunurmu?
– Bu xəbərləri az oxuyuram. Bu haqda məndən kimsə nəsə soruşanda sadəcə şərh vermək istəmirəm. Bunu hörmətsizlik kimi qəbul etməyin, sadəcə şərhsiz cavabını vermək istəyirəm
