Bu gün Avropa Liqasının III təsnifat mərhələsinin cavab oyunları keçirilib.
Korner.az-ın məlumatına görə, təmsilçimiz "Qəbələ" doöma meydanda "Lill"i qəbul edib.
Oyun "Qəbələ"nin 1:0 hesablı qalibiyyəti ilə yekunlaşıb. Oyundan sonra qəbəlilərin çalışdırıcısı Roman Qriqorçuk jurnalistlərin suallarını cavablandırıb:
– Bu qədər sevincli olmanız nə ilə bağlı idi?
– Bu oyun xüsusi idi. Cavid Hüseynova həsr etdiyimiz oyunda qalib gəldik. Belə komandaya qalib gəldik. Stadionda çox gözəl atmosfer hiss edirdim. Azarkeşlərin bütün arzularını hiss edirdim. Çox istəyirdim ki, bu nəticəni qoruyaq və mərhələ keçək. Azarkeşlərin istəyini oxumaq olurdu. Bu qələbə 10-15 ildən sonra da yadda qalan qələbə idi. Əsas sevincim də bununla bağlı idi.
– Premyer Liqada bu oyunu göstərə biləcəksinizmi? Legioner limiti sizə hansı çətinlikləri yaradacaq?
– Əminəm ki, bu limit məhdudiyyəti sadəcə faydasızdı. Bu limit heç milliyə də kömək etmir. Bu məhdudiyyət əksinə mane olur. Burada məcburiyyət var. Amma futbol təbiiliyi istəyir. Mənim yanaşmam odu ki, bu çox mənasızdı.
– Çempionatda "Qəbələ"nin oyunun təxirə salınmaq ehtimalı varmı?
– Biz oynamalıyıq. Özümüz üçün rahat yol tapa bilmərik. İşimiz futboldu. Bundan qaça bilmərik
