Madridin “Real” klubu uzun müddətdir ki,transfer etmək istədiyi Qaret Beyl ilə razılığa gələ bilməyib.
Korner.az-ın məlumatına görə, “kral” klubunun uelsli futbolçu üçün “Totenhem”ə göndərdiyi rekord təklif bir daha geri çevrilib.
Belə ki, Madrid təmsilçisi futbolçu üçün qarşı tərəfə futbol dünyasında görülməmiş məbləğ, 98.5 milyon avro təklif etməsinə rəğmən, bu oyunçunu İspaniyaya gətirə bilməyib. İngilis klubu ilə 3 illik müqaviləsi qüvvədə olan Beyl, son günlər komandası ilə məşqlərə çıxmayaraq ayrılıq “siqnal”ları vermişdi. Lakin klubun prezidenti Daniyel Levi bu transferin gerçəkləşməyəcəyini deyib. BBC kanalına açıqlamasında Levi, “Beyl bizim futbolçumuzdur və “Real”a getməyəcək”-deyə bildirib.
Xatırladaq ki, əgər bu transfer reallaşsaydı, Kristiano Ronaldoya aid olan 94 milyon avroluq transfer rekordu qırılmış olacaqdı.
