Qarayev rəsmən “Neftçi”də!
24.07.2023 , 20:05
“Neftçi” transfer işlərini davam etdirir.
Korner.az xəbər verir ki, bu dəfə millinin sabiq üzvü Qara Qarayevlə 2+1 il şərtli müqavilə bağlanıb. 30 yaşlı dayaq yarımmüdafiəçisi “ağ-qaralar”ın heyətində 2 nömrəli formanı geyinəcək.
Qara Qarayev karyerası ərzində yalnız “Qarabağ” klubunda çıxış edib. O, 2008-ci ildən oynadığı Ağdam təmsilçisi ilə 9 dəfə Azərbaycan çempionatının, 4 dəfə isə ölkə kubokunun qalibi olub. Milli komandamızın heyətində 76 oyun keçirib.
